Shayari

vo to Khushbuu hai havaao.n me.n bikhar jaayegaa

vo to Khushbuu hai havaao.n me.n bikhar jaayegaa
masalaa phuul ka hai phuul kidhar jaayegaa

ham to samajhe the ke ek zaKhm hai bhar jaayegaa
kyaa Khabar thii ke rag-e-jaa.N me.n utar jaayegaa

vo havaao.n kii tarah Khaanaa_bajaa.N phirataa hai
ek jho.nkaa hai jo aayegaa guzar jaayegaa

vo jab aayegaa to phir us kii rafaaqat ke liye
mausam-e-gul mere aa.Ngan me.n Thahar jaayegaa

aaKhirash vo bhii kahii.n ret pe baiThii hogii
teraa ye pyaar bhii dariyaa hai utar jaayegaa

farz karo tum chat per baithe apne baal sukhate ho
farz karo ke dhoop ka us din kuch kuch rang gulaabi ho
farz karo tum baithe baithe gehri soch mein kho jao
baal sukhana chor ke sar ghutnon pe rakh kar so jao
farz karo us neend mein tum ne dekha aisa sapna ho
be-kal ho kar man ye chahe kaash ye sapna apna ho
farz karo tum khat likhne ko kaghaz qalam uthate ho
khat likhne se pehle kaghaz ko khushboo khoob lagate ho
farz karo alqaab pe a kar qalam tumhara ruk jae
nazar tumhari dhak dhak karte dil ki janib jhuk jae
farz karo aik naam likho aur likh kar kato phir likho
farz karo sapne afsane khat ka naam muhabbat ho
farz karo hum donon ke dil aik hi saath dharakte hon
farz karo ye saari baatein FARZ na karni parti hon ..

dekhiyeh chand raat aai hai
sath khushian hazar laee hai

tum chaley aao aik lamhey ko
ham bhi manain ke eid aae hai

chaand bhia ya chand lamhon ko
jaisey tum ney jhalak dikhai hai

ham ne qismat ajeeb paee hai
Eid ka din hai aur judai hai

keh rahe hai hawa mujhy yasir!
us ne mehndi abhi lagaii hai

khudi ko kar garam itna

khudi ko kar garam itna

kai sardi anay say pahlay

kai sardi anay say pahlay

khuda banday say khud pochay

?

?

?
bata teri razai kaha hai

Kabi Kabi Dil Chahta Hai Ka Kuch Aisa Hojae:-
Paperz Hon Mger Result Na Aye
Classes Hon Mger Teacherz Ns Ayen

Bus Me Bethain College Na Aye,
Picnic Pr Jaey Mger Wapis Na Aye,

Gaadi Chalean Magar Petrol Na Delwaen
Kabi Kabi Parhain Mger Pass Hojayen

Haftey Me Chaar Chaar Din Hon Takay Itwar Jaldi Aye!

Yah Dais Hai Andhay Logoon Ka
Aye Chaand Yahan Na Nikla Ker..

Bay-Naam Say Sapnay Daikha Ker
Aye Dil Her Ja Na Phisla Ker
Yah Dais Hai Andhay Logoon Ka
Aye Chaand Yahan Na Nikla Ker

Na Dartay Hain Na Naa-dim Hain
Na Maanain K woh Khaadim Hain
Yahan Ulti Ganga Behti Hai
Is Dais Main Andhay Haakim Hain

Yah Raqam Saray Likhtay Hain
Qawneen Yahan Na Tiktay Hain
Hai Yahan Per Karoobaar Bohat
Is Dais Main Gurday Biktay Hain

Yahan DOLLAR DOLLAR Hoti Hai
Or G.D.P Kasootti Hai
Kuch Loog Hain Aali Shaan Bohat
or Kuch Ka Nuqsaan Rootti Hai

Umeed Ko Lay Ker Parhtay Hain
Phir Degree Lay ker Phirtay Hain
Jab JOB Na Un Ke Milti Hai
Phir Khud-kush Hamlay Kartay Hain

Woh Kehtay Hain Sab Acha Hai
Or Fooj Ka Raaj Sacha Hai
Khoota Gaari Wala Kyun Yah Manay
Jab Bhooka Us Ka Bacha Hai

Yah Dais Hai Andhay Logoon Ka
Aye Chaand Yahan Na Nikla Ker…!!!

thori si ibadat bohut sa sila deti hai
ghulab ki tarha cheha khila deti hai
ALLAH ki yaad ko dil se jane na dena
Kabhi kabhi choti si DUA arsh hila deiti hai

Aey Saba Mustafa s.a.w Se Kih Dena,
Gham Ke Maare Salam Kihte Hein
Yaad Karte Hein Unko Sham-o-Sehar,
Dil Hamare Salam Kihte Hein
Allah Allah Hazoor Ki Baaten,
Marhaba Rang-o-Noor Ki Baaten
Chand Jin Pe Nisar Hota Hay,
Aur Taare Salam Kihte Hein
Jab Muhammed Ka Naam Aata Hay,
Rehmaton Ka Payam Aata Hay
Lab Hamare Darood Parhte Hein,
Dil Hamare Salam Kihte Hein
Allah Allah Hazoor Ke Gesoo,
Bheeni Bheeni Mehakti Wo Khushbu
Jin Se Mamoor Hay Fiza Har Soo,
Wo Nazare Salam Kihte Hein
Zaer-e-Taiba Tu Madine Mein,
Piyare Aaqa Se Itna Kih Dena
Aapki Gard-e-Raah Ko Aaqa Be Sahare Salam Kihte Hein
Aey Saba Mustafa Se Kih Dena,
Gham Ke Maare Salam Kihte Hein
Yaad Karte Hein Unko Sham-o-Sehar,
Dil Hamare Salam Kihte Hein